Европа Тикланиш ва Тараққиёт Банки ҳамда Davr Bank ўртасида кичик бизнес равнақига йўналтирилган кредит линияси очиш бўйича ҳамкорлик шартномаси имзоланди

Европа тикланиш ва тараққиёт банки (ЕТТБ) президенти жаноб Сума Чакрабартининг Ўзбекистонга ташрифи доирасида мазкур банк ва Davr Bank ўртасида кредит линия ажратиш бўйича шартномалар имзоланди.

Европа тикланиш ва тараққиёт банки ва Davr Bank ўртасида ўрнатилаётган ўзаро ҳамкорлик алоқалари Президент томонидан олиб борилаётган изчил ислоҳатлар натижасида рўй бераётган ҳодиса ҳисобланиб, келажакда банк ҳамда унинг мижозлари ҳисобланган тадбиркорлар равнақига ўз хиссасини қўшишини кўзда тутмоқда.

Банк бундан олдин ҳам хорижий молия институтларидан фойдаланган ва фойдаланиб келмоқда. Банк Осиё тараққиёт банки ҳамда Жаҳон банкининг Ҳалқаро ривожланиш ассоцисияси томонидан ўрганиб чиқилган ва улар билан ўзаро келишувга эришилган. Бунинг натижасида Осиё тараққиёт банки ва Жаҳон банкининг Халқаро ривожланиш ассоцисияси билан кредит линияларини очиш бўйича шартномалар имзоланган. Мазкур кредит линиялари асосида, банк кичик бизнес ва хусусий тадбиркорлик субъектларининг инвестицон лойиҳаларини молиялаштириб келмоқда.

Банк фаолиятининг асосий йўналишларидан бири иқтисодиётининг реал секторини кредитлаш, рақобатбардош маҳсулот ишлаб чиқариш ва янги иш ўринларини яратишга кўмаклашишдир. Шу мақсадда кичик бизнес ва хусусий тадбиркорлик субъектларининг техник ва технологик модернизациялаш бўйича инновацион лойиҳаларини молиялашни амалга ошириб бормоқда.

Шунингдек, кичик бизнес ва хусусий тадбиркорликни молиявий қўллаб-қувватлаш банк фаолиятида алоҳида ўрин тутади. Банк мамлакат молиявий бозорини ривожлантиришга ўз ҳиссасини қўшиш билан бирга, ўзининг омонатчилари, мижозлари ва акциядорлари манфаатларини ҳам юқори ўринга қўяди.

Рақобатчилар орасида Банк ўзини бизнес бўйича ишончли ҳамкор сифатида намоён этиш билан бирга, мижозлари, омонатчилари ҳамда акциядорларининг манфаатларини ҳам юқори ўринга қўйиб келмоқда.

Банк Standart poor’s халқаро рейтинг компаниясининг «барқарор» рейтинг кўрсаткичига эга бўлиб, банк жамоаси янада юқори кўрсаткичларга эришиш бўйича зарур чора-тадбирларни кўриб бормоқда.

Реклама ҳуқуқи асосида