Жорий йилнинг 26 июлидан Президентнинг Виртуал қабулхонаси тўлиқ режимда иш бошлади. Бу ҳақда UzReport хабар берди.
Жорий йилнинг 1 февралида Президент Виртуал қабулхонасининг дастурий тизимининг янги талқини синов режимида ишга туширилган эди. Виртуал қабулхонанинг фаолияти давомида шу кунга қадар тизимга 2 211 396 та мурожаат келиб тушган бўлиб, уларнинг 2 050 260 таси тегишли органлар томонидан кўриб чиқилган.
Виртуал қабул қилишнинг асосий хусусиятлари:
- Фуқаро Виртуал қабулхонада ўз шахсий кабинетини очиши мумкин;
- Кўп бериладиган саволларга батафсил жавоблар олиш;
- Портал орқали онлайн режимида ҳуқуқий маслаҳат олиш;
- Давлат органлари раҳбарларига Президент Виртуал қабулхонаси орқали ҳам мурожаат йўллаш;
- Халқ қабулхоналари ҳақидаги барча маълумот билан портал орқал ҳам танишиш;
- Маҳаллангизни кўрсатинг ва муаммолар ечимига ҳисса қўшиш;
- Таъқиб бўлса, тезкор хабар бериш.
Ўзбекистон Республикаси Президентининг виртуал қабулхонаси — жамиятда мавжуд муаммоларни ҳал қилишнинг самарали восита сифатида кўп бора эътироф этилган.
Изоҳ (0)