Наманган шаҳридаги хонадонларнинг бирида 27 июль куни ёнғин юз берган. Бу ҳақда ИИВ Жамоатчилик ва оммавий ахборот воситалари билан алоқалар бошқармаси хабар бермоқда.
Ёнғин оқибатида уйдаги сомон прессларининг 25 квадрат метр майдони ёниб, зарар кўрган.
Шунингдек, ёнғинни ўчириш вақтида уй эгасининг 4 ёшли набирасининг куйган ҳолдаги жасади топилган.
«Ёнғин келиб чиқиш сабабларини аниқлаш юзасидан суриштирув ишлари олиб борилмоқда», — дейилади ИИВ ахборотида.
Изоҳ (0)