«Коинот гўзали» танлови ташкилотчилари қатнашчиларнинг финал босқичида чўмилиш кийимида чиқишини тақиқлади. Бу ҳақда танлов ахборот хизматига таяниб, Sputnik хабар бермоқда.
Ташкилотчилар қатнашчиларнинг ташқи кўринишига эмас, балки ички дунёсига кўпроқ эътибор қаратишга ҳаракат қилмоқда.
Шу тариқа танлов қатнашчилари тарбияси ва маънавияти омма олдида ярим яланғоч ҳолатда чиқишга йўл қўймайдиган қатнашчиларни танловга жалб қилмоқчи.
«Аслида гўзаллик одамнинг ички дунёсида бўлади. Қизлар келажакда она бўлиши керак, шундай экан, уларнинг қоматини омма олдида кўз-кўз қилиш нотўғри», — дейди ҳакамлар ҳайъат раиси ва халқаро танловнинг бош продюсери Леонид Хромов.
Эндиликда чўмилиш кийимида чиқиш шартининг ўрнига ижодий топшириқ шарти жорий қилинади. Бу ҳақда маълумот кейинроқ тақдим қилинади.
Эслатиб ўтамиз, 2017 йили танловнинг финал босқичида ўзбекистонлик Анастасия Половинкина ва Анета Султонова қатнашган.
Изоҳ (0)