Тошкент шаҳрининг Яшнобод туманида 23 июль куни Isuzu автобуси иштирокида ЙТҲ содир бўлди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Юнусобод туманида яшовчи Б.К. бошқарган автобус Тошкент ҳалқа автомобиль йўлида жойлашган «Роҳат» автосалони олдида йўл четига ағдарилиб кетди.
Ҳодиса оқибатида 7 нафар йўловчи енгил тан жароҳати олди. Уларга касалхонада тиббий ёрдам кўрсатилиб, жавоб берилди.
Мазкур ҳолат юзасидан суриштирув ишлари олиб борилмоқда.
Изоҳ (0)