Халқ депутатлари Самарқанд вилояти Кенгашининг 54-сессияда вилоят ҳокими вазифасини бажарувчи Эркинжон Турдимов томонидан вилоят «Тоза ҳудуд» ДУК ташкилотининг фаолияти танқид остига олинганлиги тўғрисида хабар берган эдик. Сессияда билдирилган танқидий фикрлардан сўнг Экология ва атроф муҳитни муҳофаза қилиш давлат қўмитасининг биринчи ўринбосари Ойбек Адҳамжонов бошчилигидаги ишчи гуруҳ Самарқанд вилоятига ташриф буюрди. Бу ҳақида «Дарё» мухбири Фарҳод Норбўтаев хабар бермоқда.
Ишчи гуруҳ томонидан Тайлоқ, Жомбой, Булунғур, Нарпай, Каттақўрғон ва Иштихон туманларининг «Тоза ҳудуд» ДУК филиаллари иш фаолияти кўздан кечириб чиқилиб, аниқланган камчиликларни бартараф этиш юзасидан чора-тадбирлар режаси белгилаб олинди.
Ўзбекистон Республикаси Экология ва атроф муҳитни муҳофаза қилиш давлат қўмитасининг биринчи ўринбосари Ойбек Адҳамжонов Нарпай тумани Халқобод маҳалласи Гулистон уй-жой хусусий мулкдорлар ширкати фаолияти билан танишди. Аҳоли билан учрашув давомида фуқароларга индувидуал шартномалар қилиш, «Тоза ҳудуд» ДУК Нарпай филиали томонидан чиқинди тўплаш шохобчасидан кунлик тўпланган чиқиндилар ташиб кетилиши ташкил этилганлиги таъкидлаб ўтди.
Айни пайтда ишчи гуруҳ режа асосида ишларни ташкил қилиб, камчиликларни бартараф этиш чораларини кўрмоқда.
Изоҳ (0)