Американинг Массачусетс штатидаги Бостон шаҳрида 26 ёшли Элленн Флеминг исмли қиз хатолик туфайли бир миллион доллар соҳибига айланди ва ўн дақиқадан сўнг ундан айрилди, деб ёзади Boston Globe.
18 июль куни қизга ўз ҳисобварағи бўлган TD Ameritrade компанияси ходими қўнғироқ қилиб, ҳисобига пул тушгани ҳақида хабар қилган. Қиз мобил дастурини ёқиб, ҳисобини текшириб кўрган ва унда бир миллион доллардан зиёд пул борлигини кўриб ҳайратда қолган.
Эллен дастлаб онасига қўнғироқ қилиб, воқеа билан бўлишган, сўнг TD Ameritrade билан боғланиб, хатолик ҳақида маълум қилган. Унга пул компаниянинг худди шундай исм-шарифли бошқа мижози учун мўлжалланганини тушунтиришган.
Ўн дақиқадан сўнг хатолик тузатилди ва қизнинг ҳисобида атиги 63 доллар қолди.
Изоҳ (0)