Тошкент шаҳар ИИББ Йўл ҳаракати хавфсизлиги бошқармаси таҳлилларига кўра, кўпинча ҳайдовчиларнинг тезликни белгиланган меъёрдан оширганлиги сабабли йўл-транспорт ҳодисалари содир бўлмоқда. Бу ҳақда ЎзА хабар берди.
ИИББ ЙҲХБ айнан қайси ҳудудларда кўпроқ йўл-транспорт ҳодисалари содир бўлаётганини аниқлаб, у ерларга тезликни қайд этувчи радарлар ўрнатиб бормоқда.
Жумладан, Тошкент автомобиль ҳалқа йўлининг 4 ҳудудида радарлар ўрнатилди. Ибн Сино мавзеси қаршисидаги Зангиота тумани «Чиғатой Оқ тепа» МЧЖ (тахта бозор) яқинида, «Гиламсарой», «Мароқанд» тўйхонаси қаршисида, Тошкент ҳалқа йўли, йўл қурилиш бўлинмасида ва Деҳқонобод йўли кесишмасида (Юнусобод тумани) радарлар ўрнатилган.
Шунингдек, ибн Сино мавзеси яқинидаги Тошкент ҳалқа йўлининг яхши ёритилмаганлиги ҳам Тошкент йўл ҳаракати хавфсизлиги ходимлари томонидан ўрганилиб, тегишли идораларга хат юборилди.
Изоҳ (0)