Бухоро шаҳрида яшовчи аёл вилоят ИИБга ариза билан мурожаат қилиб, Бухоро муҳандислик-технология институтида ишлайдиган «Ибод» исмли ўқитувчи қизи Ш. Каримовани ушбу институт қошидаги академик лицейга ўқишга киритиш эвазига 300 доллар пора талаб қилётганлигини маълум қилди. Бу ҳақда «Халқ сўзи» хабар бермоқда.
Бухоро вилоят ИИБ Коррупция ва иқтисодий жиноятларга қарши курашиш бўлими вилоят ИИБ Одам савдоси ва ноқонуний миграцияга қарши курашиш бўлими ходимлари билан ҳамкорликда ўтказган тезкор тадбир натижасида Бухоро муҳандислик-технология институти ўқитувчиси Ибодулло Соҳибов ҳамда унинг ҳамкасби Фахриддин Баракаев Бухоро шаҳридаги «Турон» тўйхонаси олдида жойлашган ошхонада аризачидан 300 АҚШ долларини фирибгарлик йўли билан олаётган вақтда жиноят устида қўлга олинди.
Мазкур ҳолат юзасидан тергов ҳаракатлари олиб борилмоқда.
Изоҳ (0)