Сессияда вилоят ҳокими ўринбосари Рустам Қобиловнинг «Ўзбекистон Республикасининг ‘Ёшларга оид давлат сиёсати тўғрисида’ги қонуннинг Самарқанд вилоятидаги ижроси тўғрисида»ги ҳисоботи тингланди, деб хабар берди «Дарё» мухбири Фарҳод Норбўтаев.
Вилоятда 3 миллион 700 минг нафардан зиёд аҳолининг 2 миллион 200 минг нафаридан ортиғини 30 ёшгача бўлган ёшлар ташкил этади. Айни пайтда вилоятда 29484 та ёш оилалар мавжуд.
Вилоятда ёшларни тадбиркорликка кенг жалб қилиш, бандлигини таъминлаш мақсадида жорий йилнинг май ойига қадар вилоят миқиёсида 122 нафар ёшларга тижорат банкларидан 4 миллиард 700 миллион сўм миқдорида кредитлар ажратилган. Натижада 1341 нафар ёшлар иш билан таъминланган.
Вилоятда умумий жиноятчилик 473 тага камайишига эришилган бўлса-да, бироқ ўлим билан боғлиқ йўл транспорт ҳодисалари 11 тага, товламачилик ҳолатлари бир нафарга ошган.
115 минг нафар уюшмаган ёшларнинг бандлигини таъминлаш борасида масъуллар томонидан жами 148 марта бўш ва вакант иш ўринлари меҳнат ярмаркалари ўтказилиб, бор-йўғи 8422 нафар ёшларнинг бандлиги таъминланган.
Сессия давом этмоқда...
Изоҳ (0)