Тошкент шаҳрида 13 июль куни фуқароларнинг автомобиль билан бедарак йўқолишига оид 3 та ҳолат қайд этилди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Чилонзор туманида 13 июль куни Future Road Taxi МЧЖ ишчиси ИИБга мурожаат қилиб, шу йил 1 июль куни мазкур корхона ҳайдовчиси, Учтепа туманида яшовчи, 1984 йилда туғилган Дилмурод Воҳидов бошқарувидаги давлат рақами 01 534 ТTF бўлган Nexia русумли машинасида МЧЖ биносидан номаълум томонга чиқиб кетиб, бедарак йўқолганлигини маълум қилди.
Учтепа туманида 13 июль куни А.Ю. исмли аёл ИИБга мурожаат қилиб, унда шу йил 12 июль куни бирга яшовчи ўғли, 1996 йилда туғилган Сардор Шербоев бошқарувидаги давлат рақами 01 А 459 СВ бўлган Damas автомашинасида уйидан номаълум томонга чиқиб кетиб, бедарак йўқолганлигини билдирди.
Яшнобод туманида 13 июль куни Авиасозлар даҳасида яшовчи фуқаро ИИБга мурожаат қилиб, шу йил 11 июль куни бирга яшовчи 20 ёшли ўғли Шаҳзод Абдуллажонов давлат рақами 01 Р 280 WА бўлган бошқарувидаги Matiz автомобилида уйидан номаълум томонга чиқиб кетиб, қайтиб келмаганлигини маълум қилган.
Уларни қидириб топиш чоралари кўрилган. Исм-шарифлари қайд этилган фуқаролар ва уларнинг бошқарувида бўлган машиналар ҳақида маълумотга эга бўлганлардан ички ишлар органларининг ҳудудий бўлимлари ёки 102 телефон рақамига қўнғироқ қилиб, хабар бериш сўралган.
Изоҳ (0)