Toshkent shahrida 13-iyul kuni fuqarolarning avtomobil bilan bedarak yo‘qolishiga oid 3 ta holat qayd etildi. Bu haqda IIV jamoatchilik va OAV bilan aloqalar boshqarmasi xabar berdi.
Chilonzor tumanida 13-iyul kuni Future Road Taxi MChJ ishchisi IIBga murojaat qilib, shu yil 1-iyul kuni mazkur korxona haydovchisi, Uchtepa tumanida yashovchi, 1984-yilda tug‘ilgan Dilmurod Vohidov boshqaruvidagi davlat raqami 01 534 TTF bo‘lgan Nexia rusumli mashinasida MChJ binosidan noma’lum tomonga chiqib ketib, bedarak yo‘qolganligini ma’lum qildi.
Uchtepa tumanida 13-iyul kuni A.Yu. ismli ayol IIBga murojaat qilib, unda shu yil 12-iyul kuni birga yashovchi o‘g‘li, 1996-yilda tug‘ilgan Sardor Sherboyev boshqaruvidagi davlat raqami 01 A 459 SV bo‘lgan Damas avtomashinasida uyidan noma’lum tomonga chiqib ketib, bedarak yo‘qolganligini bildirdi.
Yashnobod tumanida 13-iyul kuni Aviasozlar dahasida yashovchi fuqaro IIBga murojaat qilib, shu yil 11-iyul kuni birga yashovchi 20 yoshli o‘g‘li Shahzod Abdullajonov davlat raqami 01 R 280 WA bo‘lgan boshqaruvidagi Matiz avtomobilida uyidan noma’lum tomonga chiqib ketib, qaytib kelmaganligini ma’lum qilgan.
Ularni qidirib topish choralari ko‘rilgan. Ism-shariflari qayd etilgan fuqarolar va ularning boshqaruvida bo‘lgan mashinalar haqida ma’lumotga ega bo‘lganlardan ichki ishlar organlarining hududiy bo‘limlari yoki 102 telefon raqamiga qo‘ng‘iroq qilib, xabar berish so‘ralgan.
Izoh (0)