Тошкентдаги икки коллежда фирибгарлик билан боғлиқ жиноятлар содир этилган ва уларнинг раҳбар ва ўринбосарлари ишдан олинган. Бу ҳақда Олий ва ўрта махсус таълим вазирлиги Касб-ҳунар таълими марказида ўтказилган «Таълим муассасалари раҳбар ходимлари ўртасида коррупцияга қарши курашиш ва одоб-ахлоқ қоидаларига риоя этиш» мавзуидаги семинарда маълум қилинди, дея хабар беради Sputnik.
Семинар йиғилишида Тошкент телекоммуникация технологиялари касб-ҳунар коллежи ходимларининг ноқонуний хатти-ҳаракатлари оқибатида жиноят иши очилгани, Тошкент алоқа касб-ҳунар коллежи ҳамда Мирзо Улуғбек туманидаги политехника касб-ҳунар коллежида содир этилган фирибгарлик билан боғлиқ жиноят тафсилотлари, мазкур ҳолатлар бўйича раҳбар ва ўринбосарлари, бўлим бошлиқлари эгаллаб турган лавозимидан озод этилганига ҳам муносабат билдирилди.
Касб-ҳунар таълими маркази раҳбар-ходимлари, Тошкент шаҳар касб-ҳунар таълими муассасалари раҳбар ва педагог ходимлари иштирок этган семинарда юқорида қайд этилган жиноятларнинг содир этилишига раҳбар ходимларнинг ўз хизмат вазифаларига нисбатан виждонан ёндашмаслиги, жамоа орасида ижтимоий соғлом муҳит шакллантирилмаганлиги сабаб бўлаётганлигини қайд этилди.
Изоҳ (0)