Наманган шаҳрида жорий йил 8 июль куни «Обиҳаёт» МФЙ Темирйўл кўчасидан оқиб ўтувчи «Шимолий Фарғона» каналидан Осиё миллатига мансуб, 40-45 ёшлардаги номаълум эркак кишининг қотиллик аломатлари билан жасади топилди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Кўрилган чоралар натижасида ушбу жиноятни 27 июнь куни марҳум Х.Б.нинг жияни О.Т. ва Наманган шаҳрида яшовчи А.А. содир этгани аниқланди.
Улар марҳумнинг уйига бориб, уни бўғиб, ҳушини йўқотганидан сўнг қасддан ўлдириб, жиноятини яшириш мақсадида сим билан боғлаб, «Шимолий Фарғона» каналига ташлаб юборади.
Қотиллар қўлга олинди. Уларни жиноятга ундаган сабаблар ўрганилмоқда.
Изоҳ (0)