Исроил мудофаа армияси (ЦАХАЛ) Ғазо секторидаги Фаластиннинг ҲАМАС гуруҳига қарши кенг миқёсли операция ўтказиб, ўнлаб нишонларни йўқ қилди. Бу ҳақда, Исроил армияси баёнотига асосланиб, «РБК» хабар бермоқда.
«Исроил армияси қирувчи самолётлари бир соат ичида Ғазо секторида ҲАМАСнинг тўртта ҳарбий мажмуасидаги ўнлаб ҳарбий объектларга зарбалар берди. Кенг миқёсли ҳужумдан кўзланган асосий мақсад — ҲАМАСнинг Байт-Лаҳиядаги бош қароргоҳи эди», — дейилади ҳарбийлар баёнотида.
Over the last hour, IDF fighter jets targeted dozens of military targets in four Hamas military compounds throughout the Gaza Strip. The focus of the wide-scale strike was a Hamas Battalion HQ in Beit Lahia pic.twitter.com/nDIxRA4ovn
— Israel Defense Forces (@IDF) July 14, 2018
Jerusalem Post’нинг ЦАХАЛ матбуот котиби, генерал-майор Ронен Манелиснинг сўзларига асосланиб тарқатган хабарига кўра, Исроил ҳарбий-ҳаво кучлари ҲАМАСнинг жами 40 объектига зарба берган. Расмий Тел-Авивнинг қайд этишича, бу операция «ҲАМАСнинг исроилликларга қарши бошлаган террорчилик фаолиятига қарши» қаратилган.
ЦАХАЛ маълумотларига кўра, ҲАМАС кучлари 14 июль куни тонг соат 6:00 дан то 15:00 га қадар Ғазо секторидан Исроил ҳудуди томон 60 га яқин ракета учирган. Ўнга яқин ракета ҳаво ҳужумидан мудофаа воситалари ёрдамида тутиб қолинган.
Bloomberg маълумотларига кўра, ҳаво зарбалари оқибатида жиддий етган зарар ҳақида Ғазо томони ҳам, Исроил томони ҳам бирор баёнот берганича йўқ.
Изоҳ (0)