Украинадаги ичимлик сувини тозалаш билан боғлиқ муаммолар мамлакатда Pepsi ва Coca-Cola ишлаб чиқаришнинг тўхтатилишига сабаб бўлиши мумкин. Бу ҳақда «Коммерсантъ» хабар бермоқда.
«Ишлаб чиқариш корхоналарида хлор захираси йўқ, чунки хавфсизлик тизими талабларидан келиб чиқиб, корхоналар ўз ҳудудида хлок сақлаши мумкин эмас. Ҳозирги кунда гап битта корхона фаолиятини тўхтатиш ҳақида бормоқда», — деди Европа бизнес уюшмаси директори ўринбосари Светлана Михайловская.
Ичимлик сувини зарарсизлантиришда ишлатиладиган суюқ хлорни ишлаб чиқаришга ихтисослашган «ДнепрАзот» корхонаси июнь ойи ўрталарида маҳсулот етказиб бериш ва ишлаб чиқаришни тўхтатишини эълон қилган эди. Корхона газ нархи кўтарилиб кетгани боис шундай қарорга келган.
Украина коммунал хизматлари маълумотларига кўра, баъзи корхоналардаги хлок захираси узоғи билан 7—20 кунга етади, холос.
Изоҳ (0)