Isroil mudofaa armiyasi (SAXAL) G‘azo sektoridagi Falastinning HAMAS guruhiga qarshi keng miqyosli operatsiya o‘tkazib, o‘nlab nishonlarni yo‘q qildi. Bu haqda, Isroil armiyasi bayonotiga asoslanib, “RBK” xabar bermoqda.
“Isroil armiyasi qiruvchi samolyotlari bir soat ichida G‘azo sektorida HAMASning to‘rtta harbiy majmuasidagi o‘nlab harbiy obyektlarga zarbalar berdi. Keng miqyosli hujumdan ko‘zlangan asosiy maqsad — HAMASnig Bayt-Lahiyadagi bosh qarorgohi edi”, — deyiladi harbiylar bayonotida.
Over the last hour, IDF fighter jets targeted dozens of military targets in four Hamas military compounds throughout the Gaza Strip. The focus of the wide-scale strike was a Hamas Battalion HQ in Beit Lahia pic.twitter.com/nDIxRA4ovn
— Israel Defense Forces (@IDF) July 14, 2018
Jerusalem Post’ning SAXAL matbuot kotibi, general-mayor Ronen Manelisning so‘zlariga asoslanib tarqatgan xabariga ko‘ra, Isroil harbiy-havo kuchlari HAMASning jami 40 obyektiga zarba bergan. Rasmiy Tel-Avivning qayd etishicha, bu operatsiya “HAMASning isroilliklarga qarshi boshlagan terrorchilik faoliyatiga qarshi” qaratilgan.
SAXAL ma’lumotlariga ko‘ra, HAMAS kuchlari 14-iyul kuni tong soat 6:00 dan to 15:00 ga qadar G‘azo sektoridan Isroil hududi tomon 60 ga yaqin raketa uchirgan. O‘nga yaqin raketa havo hujumidan mudofaa vositalari yordamida tutib qolingan.
Bloomberg ma’lumotlariga ko‘ra, havo zarbalari oqibatida jiddiy yetgan zarar haqida G‘azo tomoni ham, Isroil tomoni ham biror bayonot berganicha yo‘q.
Izoh (0)