Йилнинг ўтган даврида Тошкент шаҳри кўчаларида 396 554 та қоидабузарлик ҳолати қайд этилди. Бу ҳақда «Ўзбекистон 24» телеканали орқали 7 июль куни эфирга узатилган «Тезкор хабарлар» кўрсатувида маълум қилинди.
Шулардан 97 174 таси қўпол қоидабузарлик, 30 040 таси маст ҳолда транспорт воситасини бошқариш, 198 316 та ҳолатда транспорт воситасини хавфсизлик камарини тақмасдан бошқарган, 763 та ҳолатда эса ҳайдовчилар йўл-патруль хизмати инспекторларининг талабларига бўйсунмаган.
Ҳайдовчилардан 4 462 нафари ҳаракат давомида уяли телефондан фойдаланган. 9 070 та ҳолатда ҳайдовчилар тўхташ ва тўхтаб туриш қоидаларини бузганликлари маълум бўлди.
Йил бошидан Тошкент шаҳрида 685 та йўл-транспорт ҳодисаси содир этилган бўлиб, 829 нафар фуқаро тан жароҳати олган. 2017 йил билан таққослаганда, ҳодисалар 51 тага камайишига эришилган, жароҳатлар сони эса 34 тага камайган.
«Тезкор хабарлар»да йилнинг ўтган даврида Тошкент шаҳрида юз берган ЙТҲлар оқибатида қанча одам ҳалок бўлгани маълум қилинмаган. Маълумот учун, «Тезкор хабарлар» кўрсатувининг 5 апрель сонида Тошкент шаҳрида йил бошидан бери 309 та авария юз бериб, оқибатда 37 киши ҳалок бўлгани айтилган эди.Мавзуга доир (2018 йил, 5 апрель): Рақам: Тошкентда йил бошидан бери ЙТҲлар оқибатида 37 киши ҳалок бўлди
Изоҳ (0)