Ички ишлар вазирлиги Йўл ҳаракати хавфсизлиги бош бошқармаси матбуот хизмати хабарига кўра, ўтган ҳафтада Ўзбекистон автомобиль йўлларида жами 144 та йўл-транспорт ҳодисаси юз берган. Бу ҳақда «Ўзбекистон 24» телеканалида 7 июль куни эфирга узатилган «Тезкор хабарлар» дастурида маълум қилинди.
Ушбу ЙТҲлар оқибатида 132 нафар фуқаро турли даражадаги тан жароҳатларини олган. Ҳодиса қурбонлари ҳақида маълумот берилмади.
Қайд этишларича, ҳафта давомида йўл-патруль инспекторлари томонидан жами 74 844 та қоидабузарлик аниқланган. Жумладан, 1 297 нафар ҳайдовчи транспорт воситасини маст ҳолда бошқарганлиги, 11 818 нафар ҳайдовчи белгиланган тезлик талабларини бузганлиги учун тўхтатилган ва уларга нисбатан маъмурий баённомалар расмийлаштирилган.
Шунингдек, ҳаракат вақтида телефондан фойдаланган 918 нафар ва хавфсизлик камарларини тақмасдан ҳаракатланган 14 253 нафар ҳайдовчига нисбатан ҳам тегишли чоралар кўрилган.
Изоҳ (0)