25 июндан 27 июнга қадар Германиянинг Мюнхен шаҳрида «MAN Truck & Bus AG» халқаро компанияси томонидан «3rd xKD Customer Days» форуми ташкил этилди, деб хабар беради «Ўзавтосаноат» акциядорлик компанияси матбуот хизмати.
Тадбирда дунёнинг турли мамлакатларидаги MAN компанияси вакиллари, жумладан «JV MAN Аuto – Uzbekistan» МЧЖ ҚК мутахассислари иштирок этди.
Форум доирасида иштирокчи-мамлакатлар вакиллари ўз компаниялари ҳақида тақдимот ўтказди ва уларнинг энг салмоқли ютуқлари ҳақида сўзлади.
«JV MAN Аuto – Uzbekistan» МЧЖ ҚК томонидан компания фаолияти ва ютуқлари тўғрисида видеоролик намойиш этилди, шунингдек каркасни қоплаш жараёни самарадорлигини сезиларли оширувчи ва инсон ресурсларини тежовчи автобус томи каркасини ўгиргич (ўгириш учун механизм) тақдим этилди.
Барча чиқишлар ниҳоясига етгач, ҳар бир тақдимот баҳоланди. Баҳолашнинг асоий мезонлари қуйидагилар бўлди:
- CLA, ТGM, ТGC юк автомобилларини ишлаб чиқаришни ташкил этиш;
- CLA юк атвомобиллари кабинасини ишлаб чиқаришни ташкил этиш;
- MAN автобуслари ишлаб чиқаришни ташкил этиш;
- Инновацион ютуқлар;
- Ишчилар малакаси.
Изоҳ (0)