Бугун, 6 июль санасида футбол бўйича Россияда бўлиб ўтаёган Жаҳон Чемпионатининг 1/4 финал баҳслари бошланади. Кун тақвимидан 2 учрашув ўрин олган.
Чорак финалнинг дастлабки ўйини нимчорак финалда Португалия ва Аргентинани қолдириб кетган Уругвай ҳамда Франция ўртасида кечади. Беллашув Тошкент вақти билан 19:00 да бошланади. Учрашувни аргентиналик Нестор Питана бошчилигидаги ҳакамлар гуруҳи бошқариб боради.
Иккинчи ўйин эса Мексика билан Японияни 1/8 финалда қолиб кетишга мажбур қилган Бразилия ҳамда Бельгия терма жамоалари ўртасида бўлиб ўтади. Учрашув тунги соат 23:00 га белгиланган. Беллашувни сербиялик Милорад Мажич бошчилигидаги ҳакамлар бошқариб боради.
Жаҳон Чемпионати
1/4 финал беллашувлари
6 июль, жума
Изоҳ (0)