Ўзбекистонлик ҳакам Равшан Эрматовнинг ёрдамчиси Абдуҳамидилло Расулов Россиядаги футбол бўйича Жаҳон Чемпионати икки ўйинини жароҳат билан ўтказди. Бу ҳақда футбол эксперти Алишер Никимбаев маълум қилди.
Жароҳат иккинчи ўйиндан сўнг ўзини билдирган ва Расулов ўшандан бери ҳатто машғулотларга ҳам чиқмаган. Ҳакамлик қўмитаси раҳбарияти унинг соғайиб кетишини кутганди, бироқ бундай бўлмади.
Эрматов Жаҳон Чемпионатининг қолган учрашувларини бошқарадиган ҳакамлар рўйхатига киритилмаганининг асл сабаби шундан иборат. ФИФАда фаолиятнинг бригада тизими амалда бўлиб, уч ҳакамнинг ҳам тушуниб ва келишиб ишлаши ўта муҳим. Шу боис ёрдамчиларнинг алмаштирилиши кўзда тутилмаган.
Равшан Эрматов юзага келган вазиятдан афсусда, бироқ тушкунликка берилгани йўқ, фаолиятини якунлаш ниятида ҳам эмас. Эрматов ва унинг ёрдамчилари Москвада қолади, бу эса ФИФА томонидан уларга билдирилган юксак ишончдан далолат беради.
Изоҳ (0)