Бугун, 6 июль куни Ер сайёраси афелий — ўз орбитасининг Қуёшдан энг узоқ нуқтасидан ўтади, деб ёзади Hi-Tech Mail.Ru. Аммо биз буни кўрмаймиз ҳам, сезмаймиз ҳам, дейишмоқда астрономлар.
Олимлар ҳисоб-китобларига кўра, Ер Тошкент вақти билан 21:46 да ўз орбитасининг Қуёшдан энг узоқ нуқтасига етади. Бу масофа 152 095 566 километрга тенг. Афелийда бўлиш — Қуёшнинг кўринадиган диаметри энг кичик бўлиши демак.
Ер афелийда Қуёшдан перигелий (Ер орбитасининг Қуёшга энг яқин нуқтаси)га нисбатан 5 миллион километр узоқроқда жойлашиши туфайли, Қуёш дискининг кўринадиган ҳажми афелийда перигелийга нисбатан кичикроқ бўлади. Аммо бу фарқ кўзга ташланмайди, чунки диск ҳажмининг ўзгариши ярим йил давомида аста-секинлик билан юз беради.
Изоҳ (0)