Ижтимоий тармоқлар ва Telegram каналларида Ўзбекистонда янги ўқув йилининг эрта бошланиши ҳақида турли хабарлар тарқалмоқда. Бу эса ёзги таътил кунларини олдиндан режалаштирган ота-оналар хавотирига сабаб бўлмоқда, дея хабар беради ЎзА.
Халқ таълими вазирлиги матбуот хизмати мазкур масала юзасидан қуйидагича изоҳ берди:
— Ижтимоий тармоқларда янги ўқув йилининг 10 августда бошланиши ҳақида асоссиз хабарлар тарқалмоқда. Ўқувчиларнинг ёзги таътил кунлари муддати ва янги ўқув йилининг бошланиш санасида ҳеч қандай ўзгариш йўқ. Тизимга бирор янгилик жорий этилиши режалаштирилган тақдирда, бу ҳақда, албатта, ОАВ орқали расман маълум қилинади.
Изоҳ (0)