Xiaomi компанияси шу ой Mi Max смартфонларининг янги авлоди — Xiaomi Mi Max 3 ва унинг «pro» версиясини тақдим этиши кутилмоқда, деб ёзади Hi-Tech Mail.Ru.
Яқинда Xiaomi бош директори Лэй Цзюнь интернетга қурилма қутисининг суратини жойлаган эди, энди эса Mi Max 3 нинг дисплейи сурати, шунингдек, Mi Max 3 Pro ҳақидаги баъзи маълумотлар тарқалди.
Суратга қараганда, дисплейнинг тепа қисмида ҳеч қанақа «қош» бўлмайди, аммо у 18:9 нисбатли ромсиз экранга эга бўлади. Mi Max 3 нинг ўлчамлари 176,15×87,4×7,99 мм, оғирлиги 221 граммга тенг бўлади. Шу тариқа, бизни 6,9 дюймли ва 2160×1080 пикселли Full HD+ дисплейли «улкан» телефон кутмоқда. Фаблетга 1,8 ГГц частотали чип ўрнатилади, у Qualcomm Snapdragon 636 бўлиши тахмин қилинмоқда.
Mi Max 3 ҳар бири 12 мегапикселли қўш камера, 5 ёки 8 мегапикселли олд камера, 5400 мА/соат сиғимли аккумулятор билан жиҳозланади. «Про» версиясига миш-мишларга кўра, Snapdragon 710 чипи, 6 гигабайтгача тезкор ва 128 гигабайтгача доимий хотира ўрнатилади, бошқа жиҳатлардан гаджетлар бир хил. Mi Max 3 нинг нархи 1699 юань (тахминан 250 доллар) бўлиши тахмин қилинмоқда.
Изоҳ (0)