Қозоғистонда картошка етиштирувчилар қарийб ярим миллион тонна маҳсулотни қўшниларга етказиб беришга тайёр. Агар ташқи бозорларга чиқиш билан муаммолар пайдо бўлса, соҳада жиддий пасайиш юзага келиши мумкин. Бу ҳақда Қозоғистон картошкачилар ва сабзавотчилар иттифоқи раиси Кайрат Бисетаев маълум қилди, деб ёзади Spot.
«Хитой бозорига чиқиш — бизнинг экспорт сиёсатимизда энг охирги банд. Ҳозир биз Россия ва Ўзбекистон билан экспорт бўйича нормал алоқаларни қуришимиз керак. Бу вазифани ҳал қилганимиздан кейин, навбатдаги қадамлар ҳақида ўйлаймиз», — деди Бисетаев.
Унинг сўзларига кўра, Ўзбекистонда алоҳида вазият — иттифоқ мамлакатда ўз ички бозорида сотиш билан шуғулланувчи асосий шерикларни топмоқчи. «У ерда хусусий бизнес бор, аммо кейин улар давлат компанияларига қайтиб боради, улар ижтимоий озиқ-овқатлар бўйича монополияга эга бўлиши керак. Биз эса ҳозирча уларга мослаша олмаяпмиз. Бироқ ҳаракат қиляпмиз», — деди Бисетаев.
Унинг фикрича, картошка — Ўзбекистон бозори учун ноанъанавий маҳсулот. Қозоғистоннинг иқлим шароитлари картошка етиштириш учун қулайроқ, Ўзбекистон эса ҳўл мева, данакли мевалар, сабзавотлар, кўкатлар ва пахта етиштиришда кучли.
«Агар биз картошкани сифатли ва барқарор етказиб бериш бўйича Ўзбекистон билан алоқаларни тўғри қура олсак, ўйлайманки, биз бу бозорни ўзимиз учун доимий деб ҳисоблашимиз мумкин», — деди Бисетаев.
«Агар бизда Россия ва Ўзбекистонга экспорт билан муаммолар бўлса, нархлар жиддий пасайиши мумкин ва соҳа зарар келтирадиган бўлиб қолади», — деди у.
Изоҳ (0)