1 январдан Ўзбекистонга мотоциклларни олиб кириш қимматлашади. Бу 1 январдан кучга кирадиган импорт божхона божларининг янги ставкаларида кўзда тутилган, деб ёзади Spot.
Мотоцикл, мопед ва двигателли велосипедлар (аравачали ва аравачасиз) олиб кириш учун амалдаги ставкаларга мувофиқ, қийматининг 15 фоизига тенг бож тўлаш керак. 1 январдан 20 фоиз тўлашга тўғри келади.
Айни вақтда мотоцикллар қисмлари ва ашёларини олиб кириш арзонлашади, янги йилдан уларга ноль ставка белгиланган (ҳозир қийматининг 5 фоизи нархида).
Двигателсиз велосипедларни олиб кириш ҳам анча арзонлашади — уларга ҳам ноль ставка белгиланган (ҳозир 5%, аммо донасига 5 доллардан кам эмас).
Изоҳ (0)