«Тараққиёт стратегияси» маркази, Халқаро Меҳнат ташкилотининг (ХМТ) Учинчи томон мониторинги лойиҳаси, Ўзбекистон Республикаси Бандлик ва меҳнат муносабатлари вазирлиги ҳамда Ўзбекистон касаба уюшмалари федерацияси ҳамкорлигида «Меҳнат ҳуқуқларини холис ёритиш» мавзусида энг яхши журналистик ишлар танловига аризалар қабули бошлаганини маълум қилади.
Танловнинг асосий мақсади меҳнат ҳуқуқлари ҳимояси йўналишида Ўзбекистонда амалга оширилаётган ислоҳотлар ҳамда мажбурий меҳнатни олдини олишга қаратилган саъй-ҳаракатларга бағишланган энг яхши мақолалар муаллифларини аниқлаш ҳамда қўллаб-қувватлаш ҳисобланади. Танлов журналистларнинг меҳнат ҳуқуқлари мавзусини ёритишда фаоллиги ҳамда ушбу масала юзасидан аҳоли хабардорлигини янада оширишга қаратилган.
Танлов қуйидаги йўналишлар бўйича ўтказилади:
- Энг яхши таҳлилий материал (телевидение, радио, босма ва электрон ОАВ);
- Энг яхши журналистик суриштирув (телевидение, радио, босма ва электрон ОАВ);
- Энг фаол журналист (телевидение, радио, босма ва электрон ОАВ).
Танловда иштирок этиш учун муаллифлар қуйидаги маълумотларни тақдим этиши зарур:
- исми, фамилияси ва отасининг исми;
- ОАВ номи;
- мобил ва иш телефонлари;
- электрон манзил;
- мақола чоп этилган сайтга ҳавола ёки мақоланинг сканер нусхаси, аудио ва видео материаллар;
- материал чоп этилган (ёки эфирга узатилган) вақт. Барча ишлар қуйидаги электрон манзилга юборилиши шарт: mehnat.huquqi@gmail.com
Изоҳ (0)