Хитойда 800 метрдан нишонга урадиган лазерли автомат ихтиро қилинди

Хитой Фанлар академияси ҳузуридаги Сиань оптика ва аниқ механика институтининг бўлинмаси — ZKZM Laser компанияси полициячиларни лазерь нурини отиб, 800 метр узоқликдан душманнинг кийими ва терисини куйдириб юборишга қодир бўлган ҳужум винтовкаси билан қуроллантирмоқчи, деб ёзади Hi-Tech Mail.Ru.

Винтовканинг лазерь нурлари шовқин чиқармайди, кўзга кўринмайди ва дераза ойнасидан ўта олади.

Қуролдан ҳарбий бўлмаган асирларни озод қилишда, шунингдек, махфий жанговар операцияларда фойдаланиш таклиф қилинмоқда. Шу билан бирга, у «ўлимга олиб келмайдиган» қурол деб аталмоқда, чунки нишонга текканида уни ўлдирмайди, аммо «анча сезиларли оғриқ» етказади.

Винтовканинг оғирлиги уч килограммга тенг. У литий батареяси билан жиҳозланган бўлиб, унинг қуввати 1000 тадан ортиқ икки сониялик ўқ узишларга етади. Айни пайтда ZKZM ишлаб чиқариш бўйича шерик қидирмоқда. Битта қуролнинг нархи тахминан 15 минг долларга тенг.