Рио-2016 Олимпиадаси совриндори, Жаҳон чемпионати финалчиси, Осиё чемпиони Муроджон Аҳмадалиев профессионал рингдаги учинчи жангини 14 июль куни ўтказади, деб хабар беради МОҚ матбуот хизмати.
Аҳмадалиев ўзининг 3-жангида аргентиналик Луис Фернандо Молинага қарши рингга кўтарилади. Маълумот учун Молина бунгача профессионал рингда 12 та жанг ўтказган. Шу жангларнинг 7 тасида у рақибларини мағлуб этган (2 тасида нокаут билан). Тўртта жангда эса имкониятни бой берган. Битта жангида эса дуранг қайд этилган.
Ўзбекистонлик боксчи эса проф боксда икки маротаба жанг ўтказиб, уларнинг иккаласида ҳам рақибларини нокаут эвазига мағлубиятга учратган.
Изоҳ (0)