Бугун, 2 июль санасида футбол бўйича Россия яшил майдонларида бўлиб ўтаётган Жаҳон Чемпионати нимчорак финал ўйинлари давом эттирилмоқда.
Куннинг илк ўйини «E» гуруҳида биринчи ўринни қўлга киритган Неймар етакчилигидаги Бразилия ҳамда «F» гуруҳида Германияни қолиб кетишида катта хизмат кўрсатган Мексика терма жамоалари ўртасида кечди.
Учрашувнинг биринчи бўлимида ҳисоб очилмади. Иккинчи таймнинг 51-дақиқасида Виллианнинг қанотдан ошириб берган узатмасини Неймар Гильермо Очоа қўриқлаётган дарвозага жойлаб қўйди. 88-дақиқага келиб Неймарнинг қанотдан ёриб кириши натижасида захирадан ўйинга қўшилган Роберто Фирмино бир тегиниш билан тўпни Очоа дарвозасига йўллаб, ҳисобни 2:0 кўринишига келтирди. Мазкур ҳисоб ўйин сўнгига қадар ўзгармай қолди.
Шу тариқа Бразилия ҳам чорак финалга йўл олди. «Дарё» сўровномаси эса қуйидагича кўриниш олди.
«Пентакампеонлар» бугун Бельгия—Япония учрашувидан сўнг ўзининг навбатдаги босқичдаги рақибини билиб олади.
Жаҳон Чемпионати
1/4 финал беллашувлари
2 июль, душанба
Бразилия—Мексика 1:0
Гол: 1:0—51 Неймар, 2:0—88 Фирмино.Бразилия: Алиссон, Тиаго Силва, Филипе Луис, Фагнер, Миранда, Паулиньо (Фернандиньо, 80), Каземиро, Коутиньо (Фирмино, 86), Виллиан (Маркиньос, 90), Неймар, Габриэль Жезус.
Мексика: Очоа, Айяла, Маркес (Лайюн, 46), Альварес (Дос Сантос, 55), Сальседо, Guardадо, Галярдо, Вела, Эррера, Лосано, Эрнандес (Хименес, 60).
Огоҳлантиришлар: Алварес (38), Филипе Луис (43), Эррера (55), Каземиро (59), Салседо (77).
Изоҳ (0)