Ҳиндистон пойтахти Нью-Деҳли чеккасидаги Берари туманида 11 кишидан иборат оила ўз уйида ўлик ҳолда топилди, деб ёзади South China Morning Post. Улар сирли ҳолатда вафот этган.
Таъкидланишича, ўн киши ҳовлида осилган ҳолда топилган, барчасининг кўзлари боғланган бўлган. Жасадларда ўқ излари бўлмаган, шунингдек, уйга бостириб кириш белгилари ҳам аниқланмаган. Айни пайтда полиция ҳодиса ўз жонига қасд қилиш бўлган-бўлмаганини аниқлашга уринмоқда. Ўлим олдидан ёзилган хатлар ҳам топилмаган.
Марҳумларнинг кўпчилиги бирга яшаган, оила бу уйда 20 йилдан ортиқ истиқомат қилган. Уй фанер цехи ва сут фермасига эгалик қилувчи тадбиркорга тегишли бўлган. У ҳам марҳумлар орасида бўлган. Жасадларни 1 июль куни одатда тадбиркор билан тонгги сайрларга бирга чиқадиган таниши кўриб қолган.
Қўшниларнинг айтишича, сўнгги кунларда оила тўйга қизғин тайёргарлик кўрган. Улар оила аъзолари аҳил яшаганини айтди. Улар ҳеч қандай стресс белгиларини пайқамагани, оила ўз жонига қасд қилган бўлиши мумкин эмаслигини қайд этмоқда.
Изоҳ (0)