АҚШ ва Нидерландия олимлари жамоаси Антарктидада ўрнатилган ҳаво ҳароратининг янги рекордлари ҳақида маълум қилди, деб ёзмоқда «РИА Новости».
Хабар берилишича, 2004—2016 йилларда олимлар тахминан 100 та ҳолатни қайд этишга муваффақ бўлган. Бу ҳолатларда қитъанинг шарқий қисмида ҳарорат Цельсий шкаласи бўйича 98 даражагача совуган.
Олимларнинг таъкидлашича, бундай ҳарорат қуруқ ва булутсиз об-ҳаво шароитида кичик пастликларда кузатилган.
Ҳарорат рекордлари ҳақидаги маълумотлар сунъий йўлдошдан олиб борилган кузатувлар ёрдамида олинган. Аввал дунёнинг энг совуқ нуқтаси «Восток» станцияси ҳисобланган. У ерда 1983 йилнинг 23 июлида Цельсий шкаласи бўйича 89,2 даража совуқ қайд этилган.
Изоҳ (0)