Бугун, 25 июнь санасида футбол бўйича Россияда бўлиб ўтаёган Жаҳон Чемпионати гуруҳ босқичининг сўнгги, 3-тур ўйинларига старт берилди. Аввалроқ «А» гуруҳида сўнгги тур ўйинлари якунлаганди. «А» гуруҳида Уругвай 1-ўринга эга чиқди. Россия эса гуруҳ босқичини иккинчи ўринда якунлади.
Бироз олдин «B» гуруҳи терма жамоалари ҳам гуруҳ босқичига якун ясади. «B» гуруҳидан чиқиш учун бирданига 3 та жамоа кураш олиб бораётган эди. Булар — Португалия (4 очко), Испания (4 очко), Эрон (3 очко). Марокаш эса мусобақани муддатидан аввал тарк этиб улгурганди.
Испания термаси гуруҳдан чиқиш учун ( ёки гуруҳ ғолиблиги учун) Марокашга қарши кураш олиб борди. Мазкур ўйинни ўзбекистонлик ФИФА рефериси Равшан Эрматов бошчилигидаги ҳакамлар бригадаси бошқариб борди. Учрашувда ҳисоб кутилмаганда Марокаш ҳужумчиси Ҳолид Боутаиб томонидан 14-дақиқада очилди. Орадан 5-дақиқа ўтиб эса Иско Иньестанинг узатмасини голга айлантириб ҳисобни тенглаштирди.
Иккинчи бўлимнинг 81-дақиқасида Юссуф ан-Насри ҳисобда олдинга олиб чиқди. Ўйин якунига етиб бораётган паллада Дани Карвахалнинг узатмасини захирадан майдонга тушган Яго Аспас чиройли тарзда марокашликлар дарвозасига жойлаб қўйди.
Учрашув шу тариқа 2:2 ҳисобидаги дуранг билан якунланди.
Гуруҳдан чиқиш учун курашган Эрон терма жамоаси Португалия билан дуранг қайд этди. Ўйинда ҳисобни 45-дақиқада Рикардо Куарежма ўзининг фантастик зарбасини билан очган бўлса, эронликлар бу голга иккинчи бўлимнинг 90-дақиқасида Карим Ансарифарднинг пенальтидан урган голи билан жавоб берди. Қайд этиш жоиз, 53-дақиқада Криштиану Роналду пенальтидан фойдалана олмади.
Шу тариқа мазкур ўйин 2:2 ҳисобидаги дуранг натижаси билан якунланди.
3-турдан кейин «B» гуруҳидан Испания плей-оффга 1-ўрин, Португалия эса 2-ўрин билан йўл олди. Эрон 4 очко билан гуруҳда қолиб кетди. Марокаш эса бор-йўги 1 очко билан мундиални якунлади.
Жаҳон Чемпионати
«B» гуруҳи, 3-тур беллашувлари
25 июнь, душанба
Изоҳ (0)