ФИФА томонидан ўтказилган навбатдаги сўровномада Миср терма жамоаси ҳужумчиси Муҳаммад Салоҳ Саудия Арабистонига қарши кечган учрашувнинг энг яхши ўйинчиси сифатида эътироф этилди.
Саудия Арабистони—Миср баҳсида ҳисоб Муҳаммад Салоҳ томонидан 22-дақиқада очилди. Салоҳ саудияликларнинг дарвозабони устидан тўпни оҳиста ташлаб гол уришга эришди. Бироқ якунда мисрликлар 2:1 ҳисобида мағлуб бўлди.
«А» гуруҳида Уругвай 1-ўринга эга чиқди. Россия эса гуруҳ босқичини иккинчи ўринда якунлади. Саудия Арабистони мундиални 3 очко билан, Миср эса бирорта очкосиз якунлаб, ўз уйларига қайтадиган бўлди.
Изоҳ (0)