Бугун, 25 июнь санасида футбол бўйича Россия майдонларида бўлиб ўтаётган Жаҳон Чемпионатининг 3-тур ўйинлари бошланди.
Якунловчи турнинг дастлабки баҳсларидан бири кейинги босқич масаласини муддатидан олдин ҳал этган жамоалар — Уругвай ва Россия термалари ўртасида кечди. Мазкур учрашув гуруҳ ғолиби номига аниқлик киритиши керак эди.
Учрашувда ҳисоб Луис Суарес томонидан 10-дақиқадаёқ очилди. У жарима зарбасидан Акинфеев дарвозасини ишғол қилди. Иккинчи гол эса Диего Лаксалтнинг фаоллиги эвазига юзага келди. «Женоа» ярим ҳимоячисининг 23-қақиқадаги зарбасидан сўнг тўп йўл-йўлакай Денис Черишевга тегиб дарвоза бориб тушди.
Учрашувга якуний нуқтани 90-дақиқада Эдинсон Кавани қўйди. Якунда Жанубий америкаликлар ғалаба қозониб, ўз очколари сонини 9 тага етказиб олди.
Шу тариқа Уругвай «А» гуруҳида 1-ўринга эга чиқди. Россия эса гуруҳ босқичини иккинчи ўринда якунлади. Бугун иккала жамоа ҳам «B» гуруҳи ўйинлари якунига етгач ўз рақибларини билиб олади.
Гуруҳнинг қолган икки жамоаси — Саудия Арабистони ҳамда Миср расмиятчилик учун майдонга тушган ўйин саудияликларнинг 2:1 ҳисобидаги ғалабаси билан тугади. Шу тариқа Саудия Арабистони мундиални 3 очко билан, Миср эса бирорта очкосиз якунлаб, ўз уйларига қайтадиган бўлди.
Жаҳон Чемпионати
«А» гуруҳи, 3-тур беллашувлари
25 июнь, душанба
Уругвай—Россия 3:0
Голлар: 1:0 – 10 Луис Суарес 2:0 – 38, автогол Денис Черишев, 3:0 – 90 Эдинсон КаваниУругвай: Муслера, Касерес, Коатес, Годин, Лаксалт, Торрейра, Нандес (Родригес, 73), Весино, Бентанкур (де Арраскаэта, 63), Кавани (Макси Гомес, 90), Суарес.
Россия: Акинфеев, Смолников, Кутепов, Игнашевич, Кудряшов, Зобнин, Газинский (Кузяев, 46), Самедов, Миранчук (Смолов, 60), Черишев (Фернандес, 38), Дзюба.
Огоҳлантиришлар: Газинский (9), Смолников (28), Бентанкур (59).
Четлатиш: Смолников (36).
Саудия Арабистони—Миср 2:1
Голлар: 0:1 — 22 Муҳаммад Салоҳ, 1:1 — 45+3, пенальти Салмон ал-Фариж, 2:1 — 90+4 Салим ал-Досари.Саудия Арабистони: Ал-Мосайлем, Хаусауи, Ал-Шахрани, Ал-Брейк, Хаусауи, Ал-Могауи, Отайф, Ал-Фараж, Баҳебри (Ассери, 65), Ал-Досари, Ал-Муваллад (Ал-Шеҳри, 79).
Миср: ал-Ҳадари, Габр, Абдул-Шафи, Фатҳи, Ҳегази, ал-Ненни, Ҳамед, ал-Саид (Уарда, 45), Трезеге (Қаҳрабо, 81), Муҳсин (Собҳи, 64), Салоҳ.
Огоҳлантиришлар: Габр (45), Фатҳи (86).
Изоҳ (0)