ФИФА томонидан ЖЧ—2018 да ишлашга Ўзбекистон футбол ассоциациясидан таклиф қилинган Халқаро алоқалар бўлими бошлиғи ўринбосари Олим Арифов ортда қолган 2 тур ўйинида комиссар сифатида ишлаганди.
Бу сафар Арифовга «А» гуруҳи ўйинларининг сўнгги туридан ўрин олган Уругвай —Россия ўйини ишониб топширилди, деб хабар беради ЎФА матбуот хизмати.
Қайд этиш лозим, шу пайтга қадар нафақат Ўзбекистондан, балки Марказий Осиёдан бирор мутахассис мундиалда комиссар сифатида ишламаганди. Олим Арифов бу борада биринчи бўлди.
Уругвай—Россия беллашуви 25 июнь куни Тошкент вақти билан соат 19:00 да бошланади.
Изоҳ (0)