Россиялик таниқли футбол шарҳловчиси Василий Уткин ўзининг ўзбекистонлик ҳакам Равшан Эрматовни ҳақорат қилди.
Кеча, 21 июнь санасида Ўзбекистон Россияда давом этаётган ЖЧ—2018 даги иштирокини бошлади — Ўзбекистон ифтихори Равшан Эрматов Аргентина — Хорватия учрашувида бош ҳакамлик қилди. Ўйин хорватларнинг 3:0 ҳисобидаги ғалабаси билан тугади, Эрматов ўйинда деярли хатога йўл қўймади.
Лекин ҳаммага бирдек яхши кўриниб бўлмаганидек, Равшан Эрматовдан норозилар ҳам пайдо бўлди. Улардан бири — россиялик таниқли шарҳловчи Василий Уткин. У ўйин вақти Twitter’да: «Эй, эшакдан тарқаган Равшан Эрматов, карточка кўрсатмайсанми?», деб ёзган.
Кейин унинг бу айтганлари кўплаб футбол мухлисларининг эътирози ва нафратига учради.
Уткин бу иши учун узр сўрамади, аммо қуйидагича тушунтириш берди:
Равшан Эрматов аъло даражадаги ҳакам. Бироқ футбол ҳаками ҳақида энг ёмон гапларни гапирмаган бирорта футбол ишқибози йўқ. Ҳақоратланмаган бирорта футбол ҳаками ҳам йўқ. Равшан Эрматов аъло даражадаги ҳакам, бироқ у — ҳакам. Бошқа ҳакамлар билан содир бўладиган кўнгилсиз воқеалар у билан ҳам содир бўлади.Маълумот учун Уткин ЖЧ—2018 давомида битта ўйинни Россиянинг «Первий канал»ида шарҳлаб, сўнг ишдан ҳайдалганди, нега ҳайдалгани ҳозирча номаълум. Аммо тахминларга кўра, унинг эфир вақтида «Жаҳон Чемпионати 14 июнда бошланди, аммо ҳақиқий футбол бугундан бошланди» (15 июнь куни Португалия—Испания ўйини назарда тутиб айтилган) деган гапи ишдан ҳайдалишига сабаб бўлган бўлиши мумкин.Ўзбек халқига, ўзбек футболига, ўзбек палови ва умуман Ўзбекистонга ҳеч қандай хусуматим йўқ. Бироқ ишқибозлик қилишга, ишқибозлик вақтида худди сиз каби ақлдан озишга ва омад тилашга ҳақлиман. Агар сиз буни тушунмасангиз, у ҳолда сиз ишқибоз эмассиз. Ёки ўзингизга четдан назар солишни билмайсиз.
Равшан Эрматовга, унинг оиласига, яқинларига, дўстларига ва ватандошларига ҳар бир яхши ва фойдали ишларида Худо ёр бўлсин, минг йил умр берсин, бирор марта йўталиш нималигини ҳам билмасин!
Василий Уткин, футбол шарҳловчиси
Аввалроқ Сочи—2014 Олимпиадаси очилиши вақтида россиялик шарҳловчи Дмитрий Губерниев жонли эфирда Ўзбекистон олимпия делегациясини Тожикистон деб юбориб, қовун туширганди. Кейин тавбасига таяниб, ўз сайти ва ижтимоий тармоқлардаги саҳифалари орқали ўзбекистонликлардан узр ҳам сўраганди.
Изоҳ (0)