Бугун, 22 июнь санасида футбол бўйича Россияда бўлиб ўтаётган Жаҳон Чемпионатининг 2-тур ўйинлари давом эттирилмоқда.
Одатдагидек, кун тақвимидан 3 та ўйин ўрин олганди.
Куннинг илк ўйини «E» гуруҳи икки жамоаси — Бразилия ҳамда Коста-Рика термалари ўртасида бўлиб ўтди. Учрашув биринчи бўлим голсиз дуранг билан якунланди.
Иккинчи бўлимнинг 90+1 дақиқасида Филиппе Коутиньо Габриэль Жезуснинг узатмасини Кейлор Навас дарвозасига жойлаб қўйди. Орадан 6 дақиқа ўтиб, Неймар ҳам ўз номини таблога ёздириб қўйишга эришди.
Шу тариқа Бразилия ўз ҳисобидаги очколари сонини 4 тага етказиб олди.
Жаҳон Чемпионати
«E» гуруҳи, 2-тур беллашувлари
22 июнь, жума
Бразилия—Коста-Рика 2:0
Голлар: 1:0 – 90 Коутиньо, 2:0 – 90 Неймар.Бразилия: Алиссон, Тиаго Силва, Марсело, Фагнер, Миранда, Паулиньо (Фирмино, 68), Каземиро, Коутиньо, Виллиан (Дуглас Коста, 46), Неймар, Габриэль Жезус (Фернандиньо, 90).
Коста-Рика: Навас, Гонсалес, Акоста, Оведо, Дуарте, Венегас, Борхес, Руис, Гусман (Техеда, 83), Гамбоа (Кальво, 75), Уренья (Боланьос, 54).
Огоҳлантиришлар: Неймар (81), Коутино (81), Акоста (84).
Изоҳ (0)