Ўзбекистон ва Қозоғистон авиацион раҳбарияти Остонада бўлиб ўтган учрашувда мамлакатларнинг йирик шаҳарлари ўртасидаги рейслар сонини ошириш борасида келишувга эришди. Бу ҳақда «Газета.uz» хабар бермоқда.
Тошкент ва Остона ўртасидаги рейсларнинг сони ҳафтасига тўрттадан олтитага, Тошкент ва Олмаота ўртасидаги рейслар сони эса еттитадан ўнтагача кўпаяди. Миллий авиакомпания ушбу йўналишларда ҳафтасига жами 32 рейс амалга ошира олади.
Шунингдек, «Ўзбекистон ҳаво йўллари» ва Air Astana ўртасидаги кодшеринг келишуви имзоланади.
Айни пайтда Миллий авиакомпания A320 самолётларида Олмаотага ҳар куни, Остонага эса ҳафтасига тўрт марта парвоз амалга оширади.
Изоҳ (0)