“O‘zbekiston havo yo‘llari” Qozog‘istonga parvozlar sonini ko‘paytiradi

O‘zbekiston va Qozog‘iston aviatsion rahbariyati Ostonada bo‘lib o‘tgan uchrashuvda mamlakatlarning yirik shaharlari o‘rtasidagi reyslar sonini oshirish borasida kelishuvga erishdi. Bu haqda “Gazeta.uz” xabar bermoqda.

Toshkent va Ostona o‘rtasidagi reyslarning soni haftasiga to‘rttadan oltitaga, Toshkent va Olmaota o‘rtasidagi reyslar soni esa yettitadan o‘ntagacha ko‘payadi. Milliy aviakompaniya ushbu yo‘nalishlarda haftasiga jami 32 reys amalga oshira oladi.

Shuningdek, “O‘zbekiston havo yo‘llari” va Air Astana o‘rtasidagi kodshering kelishuvi imzolanadi.

Ayni paytda Milliy aviakompaniya A320 samolyotlarida Olmaotaga har kuni, Ostonaga esa haftasiga to‘rt marta parvoz amalga oshiradi.