21 июнь куни Ўзбекистон Бош вазири Абдулла Арипов раислигидаги халқ таълими тизимини ислоҳ қилиш масалаларига бағишланган йиғилиш бўлиб ўтди. Йиғилишда «Дарё» мухбири Севара Нишонова ҳам иштирок этди.
Бош вазир ўринбосарлари ҳамда бошқа вазирликлар раҳбарлари қатнашган йиғилишда халқ таълими тизимидаги муаммолар санаб ўтилди.
Жумладан, мактабларда китоблар, ўқув-методик қўлланмалар етишмаслиги, дарсликларнинг хатолар билан чоп этилиши долзарб муаммо сифатида қайд этилди.
Ўзим кўп фарзандли оилада вояга етганман. Ака-опаларимдан қолган китоблардан фойдаланиб, мактабда ўқиганман. Ҳозир ҳар тўрт йилда янги дарсликлар чиқарилади. Математика, физика, география каби аниқ фанлардан дарсликларнинг тез-тез янгиланиши нимага керак? Тушунмайман. Велосипедни қайтадан ихтиро қилиш, Американи бошқатдан очишни кераги йўқ.Бош вазир шунингдек, дарсликларни чоп этишда илғор Европа тажрибасидан фойдаланиш зарурлигини таъкидлаб ўтди.Элчилар, яна турли мансабдорларнинг хотинлари китоб ёзиб ўтирибди. Улар ёзган нарсасига болалар у ёқда турсин, катта одамлар ҳам тушунмайди. Лекин ўша китоб тасдиқдан ўтган, нашр этилган. Нимага? Сабаби, китоб муаллифи элчининг хотини.
Абдулла Арипов, Ўзбекистон Бош вазири
Изоҳ (0)