Фарғона вилояти Учкўприк тумани ҳамда Қўқон шаҳрида истиқомат қилувчи отахонлар – Усмонжон Ортиқов, Баҳодиржон Ғойипов, Аҳмадали Мамадалиев, Икромхўжа Турсунхўжаев, Акбарали Асқаров, Шерхон Қурбонов велосипедда Ўзбекистон бўйлаб саёҳатга чиқишди. Бу ҳақда «Дарё» мухбири Азизжон Эрматов хабар бермоқда.
Саёҳатчи отахонлар дастлаб Фарғона водийси вилоятлари бўйлаб сафар қилиб, «чигалёзди» машғулотларини ўтказди. Шу тариқа ўз имкониятларини чамалаб олган отахонлар Қўқон—Тошкент–Гулистон–Жиззах–Самарқанд–Бухоро–Қарши–Термиз йўналиши бўйича саёҳатга чиқди. Йўл-йўлакай мазкур ҳудудлардаги тарихий обидалар ва диққатга сазовор жойларни зиёрат қилди.
Соатига 17 километр йўл юрган отахонлар 17 кунда 1020 километр масофани ортда қолдириб, Термиз шаҳрига етиб борди.
Маълумот учун, саёҳатчи отахонларнинг энг ёши 63 ёшни қаршилаган бўлса, кексаси 72 ёшга тўлган.
Изоҳ (0)