Россияда давом этаётган Жаҳон Чемпионатининг «B» гуруҳидан ўрин олган Марокаш ҳамда Эрон терма жамоаларининг 1-тур доирасидаги учрашуви ниҳоясига етди. Унда Эрон кичик 1:0 ҳибобида ғалаба қозонди.
Учрашувнинг биринчи бўлими нурсиз дуранг билан якунланди.
Иккинчи бўлим ҳам Марокашнинг ҳужумлари билан бошланди. Эрон эса тартибли ҳимояланишда давом этди. 80-дақиқада Марокаш ҳужумчиси Ҳаким Зиячнинг кучли зарбасини дарвозабон Али Бейранванд катта қийинчилик билам бартараф этди.
Учрашув якунланишига саноқли сониялар қолганда, Азиз Бухаддуз автогол муаллифлига айланди.
Шу тариқа Карлуш Кейруш шогирдлари муҳим 3 очкони қўлга киритди. Бироздан сўнг гурунинг асосий фаворитлари Португалия ҳамда Испания ўзаро 1-тур беллашувида кураш олиб боради.
Жаҳон Чемпионати
«B» гуруҳи, 1-тур беллашуви
15 июнь, жума
Марокаш — Эрон 0:1
Гол: 0:1—90+4, автогол Азиз БухаддузМарокаш: Мунир ал-Кажуи, Ашраф Ҳакими, Меҳди Бенатиа, Ромаин Саис, Ҳаким Зияч, Карим ал-Аҳмади, Юнус Беланда, Мубарак Буссуфа, Нуриддин Амрабат (Софян Амрабат 76), Амин Харит (Мануэль да Кошта 82), Аюб ал-Кааби (Азиз Бухаддуз 77).
Эрон: Али Бейранванд, Эҳсон Хожисафи, Рузбеҳ Чашми, Муртазо Пуралиганжи, Рамин Ризоян, Масуд Шожаи (Меҳди Тареми 68), Омид Иброҳими (Пейман Монтазери 79), Воҳид Амири, Карим Ансарифард, Алиризо Жаҳонбаҳш (Саман Гҳоддос 85), Сардор Азмун.
Огоҳлантиришлар: Масуд Шожаи (10), Карим ал-Аҳмади (34), Алиризо Жаҳонбаҳш (47), Карим Ансарифард (90)
Изоҳ (0)