Индонезиенинг Сулавеси оролидаги 8 метрли питон бир аёлни ютиб юборди. Бу ҳақда Жакарта Пост газетасига таяниб, «РИА Новости» хабар берди.
54 ёшли Ва Тиба исмли аёл 14 июнь куни кечқурун уйидан бир километр нарида экин экилган ерини кўргани бориб, бедарак йўқолган. Аёл эртаси куни ҳам уйига қайтмагач, унинг оила аъзолари хавотирга тушган. Тибанинг синглиси уни қидириш билан шуғулланган, бироқ даладан фақатгина унинг изларини, чироғини, оёқ кийимини ва мачетени топишга муваффақ бўлган.
Аёл зудлик билан қишлоқдошларидан ёрдам сўраган. Бир неча соатдан сўнг улар узунлиги 8 метр келадиган улкан питонни топишган. Илоннинг қорни ёриб кўрилганида, унинг ичидан Тибанинг жасади чиққан.
Изоҳ (0)