Юрий Гагарин томонидан Бойқўнғирда экилган қайрағоч қуришни бошлади. Бу ҳақда Россия Давлат думаси депутати Валентина Терешкова маълум қилди, деб хабар беради «Nur.kz».
Терешкованинг таъкидлашича, қайрағоч дарахти энг қуруқ ва жазирамага ҳам чидашга қодир ҳамда намлик даражаси паст бўлса ҳам яшаб кетаверади. Бироқ Гагарин эккан дарахт номаълум сабабларга кўра қуримоқда. Шу билан бирга қайрағочнинг жойи бир неча бор ўзгартирилган.
Маълумотларга кўра, Бойқўнғирда космонавтлар томонидан экилган дарахтлардан иборат бутун бошли боғ мавжуд.
Изоҳ (0)