Америкалик олимлар гуруҳи Сомон Йўли галактикасининг вазнини аниқлади. Янги тадқиқот вақтида олинган кўрсаткич Қуёш вазнининг 960 миллиард мартасига тенг. Бу ҳақда «Корреспондент.net» хабар берди.
Хабар берилишича, астрофизиклар аввалроқ галактика атрофида айланувчи кичик объектлар ҳаракати параметрларига таяниб, унинг вазнини аниқлаган. Бироқ вазн ва объектларнинг Сомон Йўлидан турли узоқдалиги сабабли натижалар аниқ бўлмаган.
Якунда олимлар 700 миллиарддан икки триллион Қуёш вазнигача диапазон орасидаги натижаларни қўлга киритган.
Аризона университети олимлари ўз ҳисоб-китобларини Сомон Йўли атрофида айланувчи объектларнинг бурчак лаҳзаларига асослаган. Мазкур кўрсаткичлар галактика ва объектлар ўртасидаги масофага боғлиқ эмас. Шунинг учун натижа юқори аниқликка эга.
Изоҳ (0)