Трамп КХДР келажаги ҳақидаги Ким Чен Инга кўрсатилган видеороликни эълон қилди (видео)

АҚШ президенти Дональд Трамп ўз Twitter’ига видеоролик жойлаб, уни Сингапурда 12 июнь куни бўлиб ўтган саммитда КХДР етакчиси Ким Чен Инга кўрсатганини қайд этди. Бу ҳақда «РБК» хабар бермоқда.

Here is the video, “A Story of Opportunity” that I shared with Kim Jong-un at the #SingaporeSummit
➡️https://t.co/43oOci4jvo pic.twitter.com/xBKFkDLtj7

— Donald J. Trump (@realDonaldTrump) June 12, 2018

Ролик биронта фильм трейлерига ўхшаб кетади, у тарихни ўзгартирган одамлар ҳаёти ҳақида ҳикоя қилади.

Роликда рангли кадрларда Ғарб мамлакатларининг муваффақиятлари кўрсатиб берилган бўлса, оқ-қора кадрларда дўконларнинг бўм-бўш токчалари ва ракета парвозлари акс этган. «Етакчи дунёнинг бир қисмига айланиш ва ўз халқи учун қаҳрамон бўлиш учун ўз мамлакатини ривожлантириш фойдасига танловини амалга оширадими?» — дейди кадр ортидаги овоз.

АҚШ президенти КХДР етакчиси билан қўшма баёнотни имзолаш якунлари бўйича берган интервьюсида музокаралар чоғида Ким Чен Инга КХДРнинг савдо соҳасидаги имкониятлари намойиш қилинган видеороликни кўрсатганини айтган эди.

https://www.facebook.com/WhiteHouse/videos/1710505219037204/?t=5