Сурхондарё вилояти Узун туманидаги Оқмачит маҳалласида яшовчи фуқаро 32 ёшида мўмай пул топишнинг турли йўлларини хаёлидан ўтказди, деб ёзади ЎзА. Ниҳоят қабристонларга ўрнатилган эҳсон қутиларидаги пулларни ўмариб, турмуш кечирмоқчи бўлди.
Шу мақсадда ўтган йил май ойида Тошкент шаҳри Чилонзор туманининг Бўта бува қабристонидаги эҳсон қутиларига ташланган пулларни ўғирлаб, жиноий жавобгарликдан қочди. Шундан сўнг жиноят ишлари бўйича Узун тумани суди томонидан унга нисбатан қидирув эълон қилинди.
Буни қарангки, бир йилдан буён қидирувда бўлган фуқаро Сурхондарё вилояти ички ишлар бошқармаси, Миллий гвардия ва бошқа давлат, жамоат ташкилотлари ҳамкорлигида тезкор вазиятни барқарорлаштириш, жиноят ва ҳуқуқбузарликларнинг барвақт олдини олиш, аҳолининг осойишта, фаровон турмушини таъминлаш мақсадида Жарқўрғон туманида ўтказилаётган махсус тадбир чоғида тумшуғидан илинди.
Изоҳ (0)