Бош прокуратура ҳузуридаги Департаментнинг Андижон вилоят бошқармаси ходимлари томонидан ўтказилган тезкор тадбирда Марҳамат туман ҳокимлиги ободонлаштириш бошқармаси бошлиғи А. қўлга олинди. Бу ҳақда Бош прокуратура матбуот хизмати маълум қилди.
У фуқаро З.га Nexia 3 машинасини 15 кун муддатда таниши Б. орқали автосалондан чиқариб бериши эвазига 800 долларни фирибгарлик йўли билан олиб, фуқаро Б.га берган вақтида ашёвий далиллар билан ушланди.
Мазкур ҳолат юзасидан фуқаролар А. ва Б.га нисбатан жиноят иши қўзғатилди. Ҳозирда тергов ҳаракатлари олиб борилмоқда.
Изоҳ (0)